首先多謝勇教 Victor Lee 百忙中都肯返黎睇睇小妹, 係我地最無助既時候給予提點與教導。你放心, 答應過你既野, 我一定會做到！多謝柚子 Yau Tsz Fung你, 給我機會扒uchamp。開操前同你傾想返黎扒 好驚你會拒絕因為始終我整個off season都no show，用短短三個月去追番體能未必做得到，多謝你對我既信任與支持。多謝Manho Yip你，女team既大小事務一手包辦。自從女教練走後, 這兩年要你撐起這頭女家, 知你辛苦了。趁依家得閒，快d練返體能準備毅行者之戰啦 我唔想係physio站見到你lol 哈哈哈 最後多謝Deborah Lee你，感激你這三年一路撐著我, 令我扒艇生涯更精彩 。為咗我當初既任性決定 你願意陪我一起瘋癲返黎做cox, 無限感激你。今個暑假搞到你咁辛苦要兼顧學業同cox艇真係很抱歉, 等你忙完課業再搵我吧! 等我請你吃返餐好既補數。
新女，對不起！原諒我無堅持為你地爭取更多。當扒完場決賽, Kayee 一上艇就邊喊邊話: 對唔住大家～對唔住yuenyi~我唔識教, 幫唔到你攞埋最後一塊uchamp牌。由此至終我並無怪你地, 反而係感動因為我們的初衷目標都只望唔係包尾 而我地又真係做到! 反而當我知道排名成績後, 我好嬲自己好後悔當初無堅持 自己既理由, 因為你地真係有能力同冠軍艇砌架 而結果就可能不一樣了。所以完賽後Iris同Vivian話有野同我講, 我避開了 因為我知道聽完會控制唔到自己的情緒 唔想係你地面前崩潰。睇完你地每一個寫既野 我又再次俾你地感動到了 原來係你地既心目中我有咁多角色嫁~係師姐又係軍醫 係拉筋師又係營養師 係院長又係半個教練兼半個mammy。Btw多謝你地送既禮物，有心思，好實用! 這三個月里多謝你地帶給我既喜。怒。哀。樂。
喜，好鍾意同你地一起扒 , 因為係你地身上我睇到當年自己係新人扒艇那股傻勁, 教練一叫build up, 要俾力 up rating, 就狂衝slide之後就用死力劈半支槳入水, 再彈曬d水花俾後面果個, 當條艇唔balance都只係識死俾力但扒極都係永遠down bow而又唔知點解 只好乖乖聽教練話做麼就照做 而新人有既就係靠著這傻勁同心中那團火, 多謝你地傻傻的同我一起盡力劈盡每一場。
怒，係因為我嬲自己無堅持為你地爭取最好的。當我知道今年係同你地扒八, 其實我真係無對你地有好大期望幫我圓夢。 剛開操同你地扒咗一個星期八爪魚艇時, 我只是嬲自己唔爭氣無法同舊女一起扒。但係慢慢發覺你地並唔係想像中咁差 你地既機數好 肯學肯練 學習態度同吸收能力都好高 身高個個都高過我～所以令我更加投入教你地點樣扒好條艇, 令我更關心你地既健康狀態 最好就無病無痛 就算要趕去返工，點都會係返工前“折磨”下你地或者交代我既專業clinic assistant 幫忙。原諒我逼你地拉筋拉筋再拉筋, 原諒我逐個crew點名執form, chur你地做好每一槳technique, 每課set target俾你地改進自己, 對你地要求高係因為我深信你地做得到。
哀，係無法帶埋4C 一起上頒獎台。其實平時同你地三個練四，無論落無敵或wingboat你地都扒到balance, 係good嫁並唔係satisfactory。但當8+扒得差既時候 我邊扒邊諗 擔心究竟係Angel攰到散form亂了節奏 定係Vivian髖關節痛發作攞唔長條slide 或係Gigi衝slide早開身同水深 或係Cheryl腰痛發作導致washing out 或係Iris膊頭痛兼背脊筋膜炎影響收手慢定係小腿筋太緊上唔到frontstop 或係Circle大髀痛young慢了 或係Judy大髀筋緊唔壓身就衝slide 定係自己體能唔夠support唔到大家。但令我最影響深刻既係你地三個扒條wingboat side 贏了4B幾轉 好叻女! 所以請不要低估自己既能力或覺得被人carry 因為你地3個係前面4個最強勁既摩打黎嫁~ 只係接近比賽的日子你地既病情反覆又傾向嚴重所以並未能發揮到最好。希望黎緊北京既比賽 你地可以以最佳狀態發揮所能。
樂， 多謝你地依三個月帶俾我無限笑聲與歡樂，得閒吃下花生又可以抽下台柱既水。剛開操仲擔心會同你地有代溝, 一個舊人帶七個新人負擔好重好大壓力 但有時候我彷彿當咗自己係新女, 拋開負擔同責任去扒艇 其實係更開心更輕鬆! 睇番你地寫既野 先發現原來你地七個新人對住一個舊人都一樣咁大壓力lol 原諒我既期望造成你地咁大壓力，請放心! 都這一刻我並無半點後悔選擇同你地依班充滿傻勁既新女一起扒一起firm到最尾, 你地既表現我好滿意。
Kayee Ho，今個暑假幸苦你了。感謝你願意留低cox我地, 撐我地, 感激你無限包容與遷就我既返工時間練艇, 仲要身兼多職做physio小助手, 新女既全職mammy湊住佢地, 無咗你真係唔知點算。你為左我地條艇輕d仲要辛苦你節食挨餓剩四子頭, 真係辛苦了。 而今年最慶幸既係我終於聽到你講多過十句話啦! 我坐係no.2終於都聽都你把聲啦 還記得扒緊決賽既時候, 你全程2K係不停嗌醒我地 提我地做好果七樣野 我真係聽到嫁！衷心的感激你為我地 為女team 為PURT 所付出既野 , 祝你去日本一切順利！
Patient no.8 WingLam Lau， 恭喜你! 係我地全艇最健康既crew。這三個月辛苦你了 知道要你背起帶槳依個重任已好大壓力 之後又被我對你地既期望造成更大心裡壓力, 很抱歉。作為一個新人係咁短時間要學識balance條艇同帶穩定既節奏給後面跟齊 扒得舒服 其實你已經好叻 做得好到啦 多謝你。至於點去評估自己帶得好唔好 除了憑自己感覺條艇飄唔飄 或者問教練 但最直接既答案就係問你後面既隊友是否跟得齊同扒得舒服嗎。 其實由六月尾睇到你地已經識balance都條艇扒 你地每日既進步 我已經好安慰有班咁聽話肯練既新女 所以每次掙扎緊要拉機補課時 你地都係我搏盡背後既動力。每次你扒到頹 睇到你開始散form 亂節奏 除咗鬧醒你地, 我唸唯一可以做既就係盡力power support你, young返起條艇 希望你feel到啦 哈哈哈。希望明年你可以留低再扒多年 能夠見證你地條四上神台最高個級啦。下一屆師妹靠你地嫁啦 帶槳～
Patient no. 7 ，其實係off season已久仰你的大名, 師姐們都俾你既機數嚇親 令我好期待去認識你。最深刻既係初初返黎見到你 真係覺得你好似我果屆既Christy! 有驚人機數又係大力bowside。以你既身高同機數, 一睇就知係扒艇既材料有潛質, 早已mark實你 一定要好好push下你先得~ 哈哈哈 所以我先咁有信心同你地講去到uchamp 係有得砌嫁。而事實證明我沒睇錯 你地真係攞到塊uchamp牌, 好叻女! 多謝你相信我, 真心戥你地高興感到驕傲。雖然今年未能同你地一起上神台 但到今時今日我並無後悔過同你地呢班新女一起扒都最後 反而有時候自己練唔足 我覺得係俾你地carry緊嫁。多謝你。係咁多個patient之中, 你係最乖最聽話 傷勢穩定又唔洗我擔心 會默默自己拉筋果個。希望你可以keep住你既拉機神力 明年再勇戰上埋神台最高個級啦, 下一屆師妹靠你地嫁啦 老闆娘～
Patient no.6 Lung Lok Yi，多謝你話願意留低繼續扒, 我已mark實你嫁啦 希望你能說服同你班crew 明年一起再企上神台! 只要你肯扒, 就算幾辛苦我都會繼續幫你地爭取更多。初初返黎同你地練艇 睇到你地扒都八爪魚咁 當時我真係扒到好沮喪 再睇到你一catch就浸半支槳入水 drive又早開身 就令我更加崩潰! 但又唔完全怪責你地唔識扒 只能怪自己無早d 返黎同你地分享更多點樣可以改好扒艇技術。所以之後我每課艇都盡量去提醒你有邊d technique 做得唔好 不斷分享更多扒艇既故事鼓勵你地呢班新人 只要肯練其實新人或b艇都有機會攞牌嫁 雖然到最後我地沒能打破宿命 這並不代表你地無實力 只怪器材上我無堅持為你地爭取更多, 對不起。係依個暑假可以能夠教識你改咗早開身呢個壞習慣, 係patient list 之中 你好生性 會幫我分擔負擔 幫手照顧icu病人治療 唔洗我勞氣果個 能確保你地有最佳健康狀態去劈兩場仲攞埋牌。這一切已令我感到安慰。下一屆師妹靠你地嫁啦 lungly～
Patient no.5 Cheryl Wong， 恭喜你! 終於可以離開icu病床同院長既治療啦。日後要學識自己保護條腰同記得拉鬆d筋吖千祈唔好再係我icu patient list出現啊 唔想係common room病床再見到你 但好想係城門河上見到你。對你影響最深刻既係 班新女話你次次拉完機都好似唔喘氣 好輕鬆咁 仲可以次次拉pb, 所以我就更加留意你 發現原來你係游泳健將 肺活量大堅係既實力派。作為一個新人, 無論機數定扒艇技術 你算係進步得最快又保持到穩定水平果個。 每次條艇扒得唔balance 我就逐個點名 執你地既technique 但當我每次提咗你 你又真係next stroke就會做好~ 多謝你肯聽入耳去改好。你係咁短既時間能夠成為條四既 bowside帶槳, 帶條四一起上神台攞牌, 真係好犀利! 下一屆師妹靠你地嫁啦 台柱～
Patient no.4 Iris Wong，啊女~多謝你願意食多幾塊包幫我悭飯錢! 你既孝順我心領啦 好開心我純粹分享既一番話 原來已經impress咗你~多謝你相信我。 咁多個patient 之中你係我醫過最耐既icu patient, 其實傷勢病並不太嚴重而係有d反覆唔穩定 所以為咗令你可以快d好返, 我決定狠心d 對你殘酷希望你撐到完uchamp。你話我係改變你最多既既人 係艇上執你好多tech, set target 俾你 對你要求高係因為我知道你做得到。你係條八定四人艇都係最俾心機最努力改好自己既crew~ 人地double entry就肯定要練足 但你都係默默拉足曬所有機同艇課 這點我好欣賞你 可能因為咁令班crew 覺得我特別錫你。但其實我真係好錫你嫁 例如逼你地獄式拉筋 罰你踎幾set一分鐘 係你肩背針完再針 睇到你默默忍受痛楚, 令我更想帶你上神台但今年我做唔到 對不起。但這並不代表係你廢無能力做到,用舊fi side得贏條wingboat 你地係一班令我值得驕傲既crew。話說如果你踎得最底而又hold到唔跌, 我會為你感到更驕傲。希望明年能夠有機會帶你上神台啦 下一屆師妹靠你地嫁啦 廢青～
Patient no.3 Circle Lo，多謝你令我今個暑假有個畢生難忘既回憶! 到今時今日仲好記得果兩次點樣飛身擈出艇救你返黎, 好彩有驚無險。除咗廢青同台柱,你就成為我icu patient list 傷勢最嚴重果個。每次要up rating, 睇到你係咁衝slide 之後打柴就連form都散埋 一收手又挨咗去stroke side, 曾經試過提醒你 但見都你已盡力改 做好hold穩handlevel 所以無再逼你 反而更想快d醫好你。為咗令你可以快d好返, 所以對你用既治療方法會更加狠心。原諒我逼你針完再針 拉完筋又要再用foam roller按多幾輪 , 但都仲唔夠仲要用band扎埋大腿再做彈彈跳。係治療當中睇到你被我折磨都咁痛苦 痛到飆眼淚 嗌到拆天 但任然忍著痛俾我繼續針繼續拉筋, 多謝你相信我。 當你話治療好返d 我已好開心因為真係能夠幫到你。趁這個off season, 希望你好好養傷 下一屆師妹靠你地嫁啦 波波～
Patient no. 1 Judy P. Fan，恭喜你呀～你都完成了一年既創舉拉! 影響最深刻既係剛開操, 我坐係你後面, 而你一俾力扒就彈曬d水花俾我飲 我心唸...一定要好好調教你先得。之後你就日日幾乎俾我狂點名 逐樣野執 執完水深 再執hold穩handlevel 但有時候教到我 對你真係有d燥底 教完依樣又唔記得果樣 想逼你快d進步都難 因為你總有理由去解釋你既固執。但去到後來你終於開竅了仲越扒越好 之後你終於可以逃離我既視線同我pairup 一起俾力power support返大家。係patient list之中, 你算輕微既只係d 筋太緊姊。趁這個off season, 要keep住拉筋呀 期待你明年扒single成為master of sculling.下一屆師妹靠你地嫁啦 grandma～
Mathilde Univers Gattegno, well done! Finally the intense summer training had come to an end. I hope you did enjoyed the training and gained lots of experiences in the competition and even make new friends. Thank you so much by showing your passion in rowing and being part of PURT family. You were awesome! See you in next season!
第一年靠傻勁。我學會了失敗乃是成功之母—知恥近乎勇。
第二年靠韌勁。我學會了心態決定境界—狂風暴雨中人亂我不亂 境亂心不亂。
第三年靠拼勁 。我學會了堅持到底就是勝利—盡無悔就要奮不顧身豁出去。衷心感激你地對我既無限信任，感謝給我有個不一樣既暑假，令我既划艇生涯更精彩。
 |
| 原來我地係同冠軍艇side by side 緊嫁 |
 |
| We are PURT women team! |
 |
| 多謝你地係條艇carry我， 就等我係陸地上carry 返大家啦 |
 |
| 多謝你地送既禮物，好靚好有心思～ |
