N3V3R g1v3 uP!!!: Uchamp 2019-給自己的回憶3.0

如夢一場的第六年一切黎得太突然兜兜轉轉又返到黎依個大家庭其實我果晚有好多感想想同個team講尤其是女team 但係我個腦唔係太function到了所以都係打出黎好

比起舊年，今年既uchamp特別感觸可能因為今年依個家既成員逐漸少之又少了所以寥寥無幾的教練們負擔的責任更大了而今年我學識了承擔更多一齊幫手撐起頭家，自己的家自己救。原因只有一個—我真係好想見證理大賽艇隊獲得overall champ呀! 以前每年接近開操我內心都掙扎著扒與否而身邊的朋友總罵我說：你每年都話唔扒架啦又咪係扒～依幾年演變成我內心掙扎著教與否唉～好矛盾由一開始好堅決地選擇離開決定留多點時間俾自己打拼事業但點解又再返黎幫手撐起依個吃力不討好既家呀每朝掙扎起身都自問咁辛苦挨眼訓朝朝係條河到熱曬雨林嗌破喉嚨俾command 嗌到自己都嫌自己煩捱麵包趕頭趕命返工為甚麼甚至連老細都質問教艇真係比事業更重要嗎你將最寶貴既時間投資係咁低回報率甚至零回報既事值得嗎

翻睇自己多年來 Uchamp後的感想，再重睇那年所有隊員Uchamp後的感言，再睇翻教練們代表係20週年紀念晚宴既sharing speech『傳承』發覺原來大家所想的是多麼相似。大家都是想為坐在我們前面的這個人爭一口氣，報答她/他。

[[傳承]]

「入到黎PURT，我地又係點學扒艇咖呢？」沒有書本，沒有守則。

一代傳一代，我們憑藉前輩的經驗，把技術及文化傳承下去。傳，是傳授。

承，是承接。能得以將一些價值傳承，需要的便是受、予雙方。

而要組成一個成功的團隊，需有很多不同的人配合。在艇隊中，新人、舊人及教練便成就了”傳承”這傳統。

[[新人]]

回想起從前入艇隊做新人，沒有想過甚麼叫團隊，甚麼是傳承。成為一個新人是最幸福的事。單純的吸收、學習、訓練、發揮，享受這個運動，百份百做好「承」這個責任。新人像一張白紙，所有划艇技術、體能訓練、紀律、團體精神及文化，都在這一年學起來。划艇有一個好特別的現象。它不是一項熱門的運動，大部份入艇隊的人在入隊前都完全沒有接觸過划艇。大家一樣從零開始，用大半年的時間去學習，用大半年的時間去準備，然後決戰一場比賽。這一年，應該是每個隊員最難忘、最珍貴的一年。擁有一班跟自己共同成長的朋友是十分珍貴的，而艇隊大概是每個隊員在學階段最後一個建立共同成長的伙伴的機會。每年都有新隊員在PURT建立起一份人情。而這點人情味，就是所有傳承包括划艇技術、體能訓練、紀律、團體精神及文化以外的一個獨特而珍貴的存在。

[[舊人]]

舊人佔傳承當中非常重要的一環，因為他們在兩方面都需要兼顧。一方面她們要稟承作為一個現役隊員的承諾，承接教練在各方面的划艇思維文化，繼續為艇隊付出百分百的投入和努力，扒好每一場比賽。另一方面，她們亦要開始明白和理解到自己在傳承中「傳」的角色，因為於她們之下還有一班更加新更加fresh的新人。眾所週知教練並不是可以每一課每一節都在場，因此舊人與新人相處時間其實會更多，無形下舊人對新人影響亦會更加大，此外朋輩之間的提點和鼓勵有時往往會比教練所講的來得更加有效和直接。

[[教練]]

關於教練團的傳承。說教練們的工作只有傳，其實並不妥當。教練們的工作，除了指導隊員、安排訓練、管理團隊之外，其實教練本身都在學習，亦同時擁有一個小傳承。不單要把舊有的文化傳統灌輸給隊員，亦要將每年的新思維結合下去，推陳出新，令舊有的傳統更加鞏固，但又不至於會停滯不前。大家的觀念都是一個一個的傳承下去。雖然每個人教授的風格會有異，但其實本質是一樣的。眾所週知，我們的教練主要來自舊隊員，畢業之後重投team的教練工作，而全部都是義務工作。在隊員選擇利用課餘時間及一個暑假去練習，唔去玩唔去hea唔去拍拖唔去搵外快，來換取一個熱血的運動員生活的同時；教練們亦都選擇了利用返工前、放工後及假日等工餘時間，唔去玩唔去hea唔去拍拖唔去搵外快，來成就下一代的熱血的時光。回想留低當教練的當初，選擇留低的原因除了未玩夠、未甘心之外，另一個重要的原因是當初指導自己的教練，他同樣的選擇了貢獻自己空餘時間來教艇，我亦希望能以同一樣的方式回報給PURT。

[[感想]]

以前有人會問自己為什麼這樣辛苦還要扒，我答因為這是一份承諾。現在有人問我為何要教，我答這是一份責任。其實每年暑假前後，每一位教練都會對自己當初許下的決定感到動搖，意圖去逃避「教或不教」這問題不想去解決。但每當翻看那年所有隊員Uchamp後的感言，再重看自己多年來 Uchamp後的感想，發覺原來大家所想的是多麼相似。大家都是想為坐在我們前面的這個人爭一口氣，報答她/他。可看到其實歷史是不停在重演，只是各人的角色位置不同了，或許這就是我們所謂的傳承。我知道若我選擇留下，會辛苦; 但若我選擇離開，我會後悔。見到可以將自己當年的感覺帶到去另一班自己教出來的人身上，其實是挺有滿足感的。再想想畢業後，工作後，你仍然能夠每年這樣熱血一次其實是很幸福的一件事。薪火相傳還是青黃不接其實都掌握在我們每人手上，看你怎選擇。所以20屆，19屆，18屆或更之前的隊友，我希望看到有一天站在這裡說話的會是你們，而這就是傳承！

多謝你，教識我扒艇傳授技術係無數個扒艇比賽中，我學會了失敗是成功之母—知恥近乎勇；心態決定境界—狂風暴雨中人亂我不亂境亂心不亂；堅持到底就是勝利—搏盡無悔就要奮不顧身豁出去；信心係由無都當真仍然堅持信以為有；唔係因為見到希望先堅持係因為堅持先見到希望。教識我什麼係團隊精神要齊上齊落更令我領悟了薪火相傳既精神受了恩惠就要懂得施恩回饋因為施比受更有福。更要多謝師姐們既教導無她們當初無私栽培同付出就無今天既我。所以每年這樣辛苦仍然選擇留低係因為這是一份承諾曾經答應過教練我會好好守住依份承諾守住呢個家堅持薪火相傳既精神希望我既堅持你既不平凡代表作能讓你感到驕傲。

深思熟慮後我答老細：值得！因為艇隊係我既第二個家，我至親的屋企人。六年前離鄉背井黎香港讀書，無人無物，剛開學的孤兒生活好難捱但慶幸的加入了艇隊感恩遇上一班好有愛既隊友陪我闖過無數難關感激她們無因為我的鄉音或奇怪用詞而dum低我或排斥我好多謝她們係我空虛寂寞思鄉時給我無限關懷與支持。所以當我知道師妹扒到好迷茫無教練睇變孤兒艇自己曾經都係孤兒艇比人fing黎fing去真係好灰幸運的我遇上我地既魔鬼教練執咗我地出黎軍訓先真係由扒到成pat屎再慢慢見到彩虹所以我明白有教練或師姐既信任與支持真係好重要，因你出現所以我存在，決定中途歸隊，陪你地一齊肩並肩捱下去。

今年總算捱過了但過程真係好苦苦到要借酒消愁多災多難難到手心手背都係肉割哪塊都痛但我相信每位教練手中唯一一張既十蚊都已俾曬頭家架啦辛苦曬教練們！以前做crew 只會抱怨教練點解夜晚遲遲都唔出boat outing list 架每次都要調鬧鐘起身睇msg係返07 定09 究竟今日係艇艇占定艇占艇定艇機艇一D都唔organise 或者經常有誤會出錯但依家我相當明白也理解背後的原因所以作為教練能改善的我盡量完善當中體驗到教練真係唔易做架尤其係義教吖對住班crew抱怨扒艇好辛苦付出時間血汗金錢見唔到成果教練都係一樣付出時間血汗金錢想盡辦法幫你但幫唔到又要俾你黑臉受你氣比你地更難受吖體諒下班老人家啦我相信他朝一日你地會明白也能理解。

回想起依兩個月的經歷，實在係夢一場般模糊但又好快完結了。還記得正式歸隊前一日係regatta 1 比賽，我特登係終點等想睇下究竟polyu比人地落後幾多而事實真係有d距離～之後番左艇會開會重新了解實際情況嘗試儘快融入班師妹了解下究竟點可以快D收拾殘局～所以就決定跟你地一齊去吃飯唸返起場面真係有點尷尬果晚我好努力地記名ice breaking 睇到你班友既表情同身體語言係顯示著心唸某某然多咗個陌生人稱之為師姐坐埋一台都唔知講麼好哈哈哈 sorry~ 雖然勉強記得你地既名但係你地個樣其實都有D次樣成日都認錯holly & zita, olivia & choi sum 當時我只記高妹bow side 係zita 高妹stroke係holly 矮妹bow係choi sum 矮妹stroke係olivia 哈哈哈經過一個星期相處後，發現最大問題要解決係扒艇氣氛真係好差心裡質數都唔好黑臉既黑面唔出聲既繼續唔講野條艇扒得差我俾feedback都無人response 真係差到令我懷疑自己表達能力是否有問題或是否真係有代溝成日都好次同緊牆壁講野自言自語令我忍受唔到之到要逐個打電話或面對面了解事情的來龍去脈最後發現原來因有人中途quit team 落艇無program又無目標唔知扒緊麼 D野唔夠organise 唔同教練有唔同教法唔知跟邊個好混亂等等當將事情搞清楚再逐個crew做心理輔導後你地就慢慢俾我折磨了兩個月但好多時候都真係俾你地激死日日都有人想自殺熱辣太陽練艇扒兩個鐘竟然帶500ml清水落艇only?! 淋完雨件衫濕透又唔換又唔打算沖熱水涼穿件外套發冷又唔吃野就等落下一課?! 吃兩片白麵包早餐就練艇?! 原諒我果日逼你地上咗堂nutrition & diet lecture,因為唔想你地亂吃垃圾食物搞到又屙又嘔 coz you are what you eat 好驚你地任何一個女再出事因為一個都不能少了。多謝你地容忍我逼你地碌松D肌肉，做奇奇怪怪既拉筋post, 做足我高要求既core & gym program, overhead powerpull 等等 uchamp前一個星期又發生了意外換人事件搞到大家都好煩但從中先真係見到你地既鬥志同八個人一條心想贏既果團火。

4+ 恭喜曬～第二名，好犀利！努力付出後終於見到成果啦真心登你地高興。Tina Leung 多謝你中途返黎幫手湊女同我一齊分擔依個重擔明年依頭家靠曬你啦。Wing 恭喜你，贏得佳績你終於可以抖下啦好好保重身體。多謝tina & friends 幫手照顧新人睇她們既拉機課俾足鼓勵與十卜話事話她們日後拉機應該會好掛住師姐把聲 : “一齊撐住! 大家撐住黎young! 一齊拉埋落去呀一齊要贏呀 3槳之後34!!! 3~ 2~ 1~ ” 哈哈哈多謝你地咁多位有緣再見！

8+ 很抱歉我無為你地條8帶來過任何一面獎牌 regatta 2 & 3 都係坐四望三 uchamp 扒唔到我預期中既水平我無怪過你地因為我知道要負上大部分既責任我嬲自己唔識教你地唔知點樣幫到你地更多可以做的都已經盡力了但係成績仍然沒如理想原諒我當日無再debrief 因為我唔知道點去面對你地去安慰你地睇完你地寫俾我既野好開心也感動原來你地係我身上學咗咁多野連我自己都唔察覺tim 原來我講既野唔係廢話可以影響到你地咁多多謝你地無嫌我煩多謝你地對我既包容忍耐與付出多謝你地既寶貴意見多謝你地最後無再激死我。

Olivia Lau 辛苦你背起帶獎呢個重任我知你真係好辛苦 regatta 3 衝線後見到你喊我好心痛因為只差幾秒就可以帶你地踏上頒獎台令我覺得需要為你地爭取更多野令我更投入想盡辦法幫你條艇進步更多每次睇到你扒到form就散一個揹9個人扒就黎斷氣既樣令我更大動力去減磅至今年創歷史新低原諒我逼你做拉筋課俾我好狠心地幫你按鬆D肌肉痛到你飆曬眼淚 patpat好次俾我按瘀咗？咁都無嗌出聲，的確吃得苦係帶槳既材料黎架，欣賞你。uchamp場8 扒完等rerow又搞到你喊咗我知你真係連奶力都比盡了。作為一個新人帶獎係咁短時間要你學識平衡條艇同帶穩定既節奏給後面跟齊無舊人帶舒服既節奏淨係憑自己感覺條艇飄唔飄係困難既仲要被我高要求折磨造成更大心裡壓力但你都捱得過已經好叻女辛苦你願意揹住9個人扒好它多謝你。對於賽果唔係太滿意唔洗再質疑係你既問題定後面既問題因為扒得好與壞從來都唔係一個人既責任唔洗對唔住我用你學識既扒艇態度還返俾我就得架啦期待你明年再

Ho Yan Tang 恭喜你今年終於踏到上神台雖然唔係我同你一齊上台但總算了咗件心事彌補返答應過你既野我真心登你高興 im proud to be your coach! 原諒我逼你要聽話因為我想你做好榜樣多謝你讓我有機會湊多六個女今次返黎幫手無選錯係值得既多謝你依兩年係艇隊既付出希望呢面uchamp 牌可以令你留下畢生難忘的回憶

Wendy Lam 對唔住，許我無能依兩年cox你都無為你帶黎任何一面獎牌。沒能夠同你一齊上台真係好遺憾但好開心見到你依兩年既成長由你係新人教你扒艇到依家見你帶住六個新人扒依個過程很奇妙讓我好有滿足感你終於長大了自轉到暈敵唔洗再俾我罰自轉了多謝你咁support 班新人俾十足信心她們尤其是麼都驚驚驚放棄自己但都信任隊友既帶獎也都無放棄曾經自暴自棄既二號雖然到最後無完美句號希望依兩年既扒艇生涯能讓你留下美好的回憶

Wan Sin Tung 還記得第一次見到你我有D嚇親因我以為你係grandma, 你既師姐都係用膠紙tape住眼鏡框但其實沒見到你之前已經膽粗粗搵你傾咗成個鐘電話哈哈哈當時幾驚你唔肯接我依個陌生師姐電話但好彩你都好乖肯聽我講野係新人之中你係最活躍答我問題問我問題果個多謝你願意jot notes記底我講既野欣賞你既好學而其實果堂突然既diet lecture 係為你而設的哈哈哈因為有一次又俾你嚇親返到黎艇會準備落艇見到你面青口唇白坐咗係地下冒冷汗被她們圍住話要送你去急症室當時我問你麼事你話日前一口氣飲咗好多水所以。。好彩最後都無事依架lesson learned 啦唔好再飲咁快啦唔得就用飲管啦 btw 好窩心有你咁supportive 既女知道我放負洩氣會幫我加油打氣如果下次放負需要counselling一定會搵你！恭喜你第一年就成功踏上神台～明年要坐銀望金呀多謝你記得同信我講既野要keep住團80％火吖日後靠你傳100%俾師妹啦

Whw Holly 班長！我第一日歸隊就點名叫你做班長，要你負責紀錄我地傾既重點事件，多謝你紀錄得咁仔細既notes。你其實係我最擔心既女唔係扒艇技術問題而係好擔心你既身體狀況好驚聽到你話起咗身又暈底搭搭下車暈底所以練艇既時候特別留意你支槳擔心你是否身體唔舒服導致集中唔到而跟唔齊 uchamp前兩個星期見到你扒到不在狀態同你講野眼神漂浮擔心你捱到落去嗎但最後你都捱到兩場比賽而且成功踏上神台第一年就有收穫，恭喜你好犀利！明年要繼續加油坐銀望金呀下屆師妹靠你啦

李倩盈 (Miki Lee)多謝你記得我講既野會擺上心多謝你願意幫手守住依個家我會期待你努力後既成果返黎睇你表演。對你印象最深刻係果次同你地一齊拉機教你地up rating 要跟齊我節奏唔係自己拉自己當大家拉到越高rating我話要power support rating 唔係沖slide呀你突然大嗌呀！果下我真係嚇親心唸嗌咩呀之後見你越拉越沖slide又跟唔齊我嗌你冷靜D跟齊！你又在大嗌幾聲呀～～呀～～呀～～～我立刻燥底鬧你冷靜D呀請控制你既情緒唔係自己拉自己呀事後我知道原來你平時拉機拉到攰就會嗌出來push自己適當的嗌去push係好事但希望你要識控制因為係艇到咁沖slide咁chok停條艇唔係件好事唔好麻木的淨係想push自己而令自己feel唔到條艇既節奏寧願你feel多D條艇節奏先再俾力push 原諒我對你咁harsh 要你自己數槳扒成日逼你拉筋明年師妹靠你啦辛苦你曬加油！

Ching Shiu Tao 原諒我曾經想放棄你見你支槳扒steady定power緊都R唔實舊水提過無限次勸過無數次罵過幾次甚至親身落艇坐你後邊全程督促你罰你自轉都無用都做唔到我既要求真係睇到眼火爆我知道你轉side需要時間但係機數係隱瞞不了事實有段時間真係想放棄你了但係我知道你既隊友從來都無放棄你所以我更加唔可以放棄你原諒我果日係機房特登留底你執你出黎軍訓原諒我果日既語氣係重咗D 多謝你無爆粗鬧返我但那一刻只希望你可以快點進步跟到大家既進度至於換人事件多謝你既明白事理更多謝你一直練到uchamp前一個星期都好努力去做好本分欣賞你既樂觀態度希望你明年過到50kg變得生性D 畢業後能成為出色既PT 回饋返艇會

Christie Chan 似水瓶座既雙子座原因係對某日練艇既時候你永遠都係跟唔齊一係慢半拍入水一係就快半拍出水提咗你幾次要跟齊又好次聽唔入耳第一印象俾我覺得係一個我行我素既crew 自己扒自己後來發現原來你根本就聽唔到我既command 一號太遠啦 sorry,誤會咗你tim。你的確係令我操心既女扒傷了膊頭又練唔到艇練到艇又無奈要逼你俾力痛住扒每次firm完轉彎抖都擔心你下一轉俾唔俾到力做到收手恨最尾舊水拉唔拉得郁條艇有一次你話想請假因為屋企人擔心越扒越傷唔俾你練當時我好苦惱因為一個都不能再少啦想盡辦法急救你希望可以幫到你痛少d繼續練多謝你忍痛扒捱落去好開心你終於開竅了拉到漩渦多謝你話鍾意我做你coach 我都好鍾意cox你地可惜沒能夠帶你地一齊上頒獎台希望你明年繼續加油！

睇返你地個個傷既傷救過鬧既鬧罰過原諒我對你地咁高要求咁嚴謹因為我相信你地做得到至於日後教與不教睇番曾經希望教練留低而寫的千字文，

選擇留下的那份承諾是否遺忘了
那份熱血義教是否被時間淡化了
多年疲累任然堅持是否已變得不再值得堅持下去
當初堅持的動力是否失去支持就選擇放棄
選擇放棄，是否不後悔也不遺憾
好不容易建立了強大隊伍作戰是否忍心看著它變成一地散沙真的捨得放手嗎
看著舊人帶領著新人一起衝擊獎牌，拿下全場女總冠軍的願望真的達成了嗎
我知道你一個人撐了很久很辛苦
我明白默默承擔種種責任飽受一肚子氣的確很難受很疲憊
要做出這殘酷決定我相信你一定認真考慮了很久可能也失眠
無數夜無論是什麼因數家人反對工作疲累又好
失去隊友支持都好或個人因數想為自己未來的路做出更好打算
想休息，去吧！我撐你，但希望這是暫時性消失而我會待在這等你歸隊再一起並肩作戰

因為我知道我與划艇的緣分未盡和你的緣分也未盡

選擇留下因不忍心看著新人變傷兵去作戰而能夠幫忙到的明明就在自己的能力範圍也是本分選擇留下因不甘心未能見證全場女總冠軍的一幕
選擇留下因已愛上划艇的獨特四或八個人一個節奏一致動作帶來的團結精神
選擇留下因想用這份熱誠去感染身邊人與分享所愛讓更多人喜歡划艇這獨特運動
選擇留下因艇會讓我有歸屬感與隊友青春熱血的快樂回憶令我一直無法忘懷
因曾經放棄過所以現在回想起會更加珍惜能划艇的機會
我始終覺得你對於教艇的熱誠還沒減退

而是心酸眼看一班舊人各奔東西一一離自己而去
今年舊人又各有各忙新人還是得靠你幫忙希望你能堅持多那麼一點點
或者你會說該放手的遲早都要放手再堅持多一年三年還是五年結果還是一樣
又或者你早已厭倦這個惡性循環每年都要孕育一班新人
付出時間投入感情調教好了之後無奈的看著逐個漸漸離開
而我希望是可以把這循環改造讓更多人喜歡划艇至愛上
讓他難以離開的理由到最後能挽留幾多個我不懂
把隊伍變得一年比一年更強大擊敗鄰家黃隊的隊伍讓我們隊佔上風是我的夢想

但現在這轉折點如選擇放棄離開就連改變的一線希望也沒了

深怕日後回頭一望女team變空殼唯有遺憾

我想說請你再堅持多两年讓我好好跟你學習等我畢業再來接棒

可能這一切都是我一霜情願的想法是我想太多太天真夢得太美好

要實現夢想靠我一個人的力量的確太渺小但人因夢想而偉大

所以趁我現在還有能力做到的幫忙到的必定盡我所能把夢想實現

或有朝一日我會離開艇會但不會是放棄而離開因當愛上了就難以離開

無論如何我會尊重你的最後決定因為我珍惜這份緣分更在乎這份友誼

對不起油已加力已盡心已累夢已醒，自己撐耐了真係好攰或許你教我就教一齊並肩作戰實現傳承。多謝大家既寶貴時間賞臉睇曬，有緣再見。